តើអ្នកដឹងទេថាកុំព្យូទ័រមានប៉ុន្មានប្រភេទ?

មានការរៀបរាប់ពីកុំព្យូទ័រខុសៗជាច្រើន ដែលភាគច្រើនគឺគេហៅទៅតាមទំហំ និងលទ្ធភាពនៃការប្រើប្រាស់របស់វា។ នៅពេលដែលគេហៅរបស់មួយថា “កុំព្យូទ័រ” ជាក់ស្តែងគឺសំដៅលើឧបករណ៍ដែលមាន Microprocessor ។ មនុស្សភាគច្រើនគិតថាកុំព្យូទ័រជាឧបករណ៍មួយប្រភេទដែលប្រើសំរាប់ទទួល Input ពីអ្នកប្រើតាមរយៈ Mouse រឺ Keyboard បន្ទាប់មកគណនា រួចបង្ហាញលទ្ធផល តាមនៅលើអេក្រង់ (Screen) ។

តើអ្នកដឹងទេថាតើកុំព្យូទ័រមានប៉ុន្មានប្រភេទ?

1.PC : ជាពាក្យកាត់នៃពាក្យ Personal Computer ជាកុំព្យូទ័រដែលគេរចនាឡើងជាទូទៅសំរាប់អ្នកប្រើប្រាស់តែម្នាក់ (ប្រើប្រាស់ផ្ទាល់ខ្លួន)។ Mac ក៏ជា PC ប៉ុន្តែមនុស្សភាគច្រើនយល់ថា PC គឺជាប្រភេទកុំព្យូទ័រដែលប្រើ Windows ជា Operating system។ PCs ត្រូវបានគេស្គាល់ដំបូងជា Microcomputers ពីព្រោះវាជាកុំព្យូទ័រតែមានរាងតូចបើប្រៀបធៀបទៅនឹង Systems ដ៏ធំរបស់វា។

2.Desktop : កុំព្យូទ័រមួយដែលគេរចនាមកមិនមែនសំរាប់យួរតាមខ្លួនបានគេហៅថា Desktop កុំព្យូទ័រ ឬ កុំព្យូទ័រលើតុ ។ គេប្រើ Desktop កុំព្យូទ័រដោយដាក់នៅកន្លែងណាមួយជាអចិន្ត្រៃយ៍។ Desktop ភាគច្រើនមានដំណើរការលឿន អាចផ្ទុក Data បានច្រើនហើយមានតំលៃថោក។

3. Laptop : គេអាចហៅម្យ៉ាងទៀតថា Notebooks, Laptops ជាកុំព្យូទ័រដែលអាចយួរតាមខ្លួនបានដែលមានអេក្រង់មាន Keyboard មាន Mouse (Pointing device trackball) មាន Processor មាន Memory និងមាន Hard drive នៅលើប្រអប់ Battery-Operated។

4. PDA : Personal Digital Assistants (PDAs) ជាការកុំព្យូទ័រដែលប្រើ Flash Memory ជំនួសអោយ Hard drive សំរាប់ផ្ទុក Data។ កុំព្យូទ័រប្រភេទនេះជាធម្មតាគ្មាន Keyboards តែគេប្រើវាតាមរយៈបច្ចេកវិទ្យា Touchscreen សំរាប់ User input។ PDAs ជាទូទៅមានទំហំតូច ស្រាល និងមានថ្មដែលកាន់បានយូរ (ច្រើនម៉ោង)។ មានមួយប្រភេទទៀតធំនិងធ្ងន់ជាង PDA បន្តិចគឺ Handheld កុំព្យូទ័រ។

5. Workstation : កុំព្យូទ័រដែលហៅថា Workstation តាមពិតគឺជាកុំព្យូទ័រ Desktop ដែលមាន Processor ខ្លាំងជាង មាន Memory ធំ និងមានលទ្ធភាពអាចដំណើរការការងារពិសេសមួយចំនួនដូចជា 3D Graphics, Game Development ឬ Server ក៏បាន ហើយអាចធ្វើការងារបានច្រើនម៉ោងជាងកុំព្យូទ័រធម្មតា។

6. Server : ជាកុំព្យូទ័រមួយប្រភេទដែលគេធ្វើអោយប្រសើរជាងមុនសំរាប់ផ្តល់សាវាទៅកុំព្យូទ័រផ្សេងទៀតតាមរយៈ Network។ Servers ជាទូទៅមាន Processors ដែលមានកំលាំងខ្លាំង មាន Memory ច្រើន និងមាន Hard drives ធំ។ ជាទូទៅ Server គេប្រើប្រាស់សំរាប់ផ្ទុកទិន្នន័យផ្សេងៗ ហើយជាទូរទៅ Server មានអាយុការប្រើប្រាស់បានយូរជាង ។

7. Mainframe : កុំព្យូទ័រដែលចេញដំបូងបំផុត មានទំហំធំស្ទើរតែប៉ុនបន្ទប់មួយ រឺអាគារមួយជាន់។ ក្រោយមកទំហំរបស់វាតូចជាងមុនបន្តិចម្តងៗ តែអនុភាពរបស់វាកាន់តែខ្លាំងឡើងៗ Mainframe ក៏ប្រើលែងកើតសំរាប់ធ្វើជា Enterprise Server។ គេនៅលឺឈ្មោះរបស់វា ដែលគេប្រើពិសេសនៅក្នុងក្រុមហ៊ុនធំៗ ដែលគេប្រើសំរាប់ហៅម៉ាស៊ីនធំៗដែលសំរាប់ដំណើរការការបញ្ជូន Data ទៅមករាប់លានដងក្នុងមួយថ្ងៃៗ។

8. Mini computer : នេះជាប្រភេទមួយទៀតដែលគេកំរនឹងបានឮ។ Minicomputers នេះឈរនៅចន្លោះ Microcomputers (PCs) និង Mainframes (enterprise servers)។ Minicomputers ជាធម្មតាគេសំដៅលើ Mid-range servers។

9.Supercomputer : ប្រភេទមួយនេះ ជាធម្មតាមានតំលៃរាប់ពាន់ រឺ រហូតដល់រាប់លានដុល្លា។ ទោះជាយ៉ាងនេះក៏ដោយ Supercomputers ខ្លះគឺកុំព្យូទ័រដែលមាន system តែមួយ។ តែភាគច្រើនវាមានបំពាក់ប្រព័ន្ធលទ្ធភាពដំណើរការខ្ពស់ ជាច្រើនដែលអាចប្រតិបត្តិដំណាលគ្នា។ Supercomputer ដែលល្បីឈ្មោះជាងគេគឺបង្កើតឡើងដោយ Cray Supercomputers។

10. Wearable Computer : ប្រភេទចុងក្រោយនៃនិន្នាការក្នុងការគណនាគឺ Wearable computers។ គេរចនាដោយបញ្ចូល Applications ចាំបាច់មួយចំនួនដូចជា E-mail, Database, Multimedia, Calendar/Scheduler ត្រូវបានកេដាក់បញ្ចូលក្នុងនាឡិកា ទូរស័ព្ទដៃ(Cell phones), របាំងមុខ រឺ ក៏អាចនៅក្នុងសំលៀកបំពាក់!